బాలకృష్ణ నెక్ట్స్ షెడ్యూల్ ఫిక్సయ్యింది...
- IndiaGlitz, [Tuesday,August 02 2016]
నందమూరి బాలకృష్ణ హీరోగా క్రిష్ ద‌ర్శ‌కత్వంలో వై.రాజీవ్ రెడ్డి, జాగ‌ర్ల‌మూడి సాయిబాబు నిర్మాత‌లు రూపొందుతోన్న చిత్రం 'గౌత‌మీపుత్ర శాత‌క‌ర్ణి'. బాల‌య్య వందవ చిత్రంగా తెర‌కెక్కుతోన్న ఈ చిత్రంపై భారీ అంచ‌నాలు నెల‌కొన్నాయి. జార్జియా, యూర‌ప్‌ల్లో ఈ సినిమా చిత్రీక‌ర‌ణ‌ను ముగించుకుని వ‌చ్చింది. అయితే ఈ ఆగ‌స్ట్ 8న డైరెక్ట‌ర్ క్రిష్ పెళ్ళి ఉండ‌టంతో సినిమా యూనిట్ తాత్కాలికంగా గ్యాప్ తీసుకుంది. నెక్ట్స్ షెడ్యూల్‌ను క్రిష్ హైద‌రాబాద్‌, మ‌ధ్య‌ప్ర‌దేశ్‌ల్లో చిత్రీక‌రించ‌డానికి రెడీ అవుతున్నాడ‌ట. ఆగ‌స్ట్ 20నుండి హైద‌రాబాద్‌లో, సెప్టెంబర్ 1నుండి మ‌ధ్య‌ప్ర‌దేశ్‌లో చిత్రీక‌ర‌ణ జ‌రుపుకుంటుంది. అన్నీ కార్య‌క్ర‌మాల‌ను పూర్తి చేసి సినిమాను సంక్రాంతి కానుక‌గా జ‌న‌వరి 12న విడుద‌ల చేయ‌డానికి స‌న్నాహాలు చేస్తున్నారు నిర్మాత‌లు.