நடிகை ஆர்யா தன்னை திருமணம் செய்து கொள்வதாக ஏமாற்றி ரூ.71 லட்சம் பணம் வாங்கிக் கொண்டதாகவும் தற்போது அவர் திருமணம் செய்துகொள்ள மறுப்பதாகவும் ஜெர்மனி வாழ் இலங்கை தமிழ் பெண் ஒருவர் காவல்துறையிடம் புகார் அளித்திருப்பது பெரும் பரபரப்பை ஏற்படுத்தியது.

இதுகுறித்து நடிகர் ஆர்யா காவல்துறையிடம் நேரில் ஆஜராகி ’புகார் அளித்த பெண் தனக்கு யார் என்று தெரியாது என்றும் அந்த பெண் யாரிடம் ஏமாந்தார் என்பதை காவல்துறையினர் தான் கண்டுபிடிக்க வேண்டும் என்றும் கோரிக்கை விடுத்திருந்தார். 

இந்த நிலையில் இது குறித்து வித்தியாசமான கோணத்தில் தமிழக போலீசார் விசாரணை செய்தபோது தற்போது சென்னை சைபர் கிரைம் போலீசார் 2 பேரை கைது செய்து உள்ளனர். முகமது அர்மான் மற்றும் முகமது உசேன் ஆகிய இருவரும் ஜெர்மனி வாழ் இலங்கை தமிழ் பெண்ணிடம் தாங்கள்தான் ஆர்யா என ஏமாற்றி அவரிடம் பண மோசடி செய்தது அம்பலமாகி உள்ளது.

நடிகர் ஆர்யா மோசடி வழக்கில் திடீர் திருப்பம் ஏற்பட்டுள்ளது திரையுலகில் பெரும் பரபரப்பை ஏற்படுத்தி உள்ளது.