கோலிவுட் திரையுலகில் சகுனி, ஜோக்கர், காஷ்மோரா, அருவி, என்.ஜி.கே உட்பட பல திரைப்படங்களை தயாரித்த முன்னணி நிறுவனமான ட்ரீம் வாரியர்ஸ் நிறுவனம் தயாரித்துள்ள 'கைதி' திரைப்படம் வரும் தீபாவளி அன்று வெளியாக உள்ளது

இந்த நிலையில் இந்நிறுவனம் தயாரிக்கும் புதிய படத்தின் அறிவிப்பு ஒன்று தற்போது வெளியாகியுள்ளது. இந்த படத்தில் சர்வானந்த் ஹீரோவாக நடிக்க உள்ளார். அவருக்கு ஜோடியாக ரிதுவர்மா நடிக்கவுள்ளார். இவர் ஏற்கனவே 'விஐபி 2', துருவ நட்சத்திரம் உள்பட ஒருசில படங்களில் நடித்துள்ளார். மேலும் இந்த படத்தில் கிஷோர் ஒரு முக்கிய கேரக்டரில் நடிக்கவுள்ளார்.

இந்த படத்தை அறிமுக இயக்குனர் ஸ்ரீகார்த்திக் இயக்கவுள்ளார். மேலும் இந்த படத்திற்கு இயக்குநர் தருண் பாஸ்கர் வசனம் எழுத உள்ளார். ஜேக்ஸ்பிஜாய் இசையில் உருவாகவுள்ள இந்த படத்திற்கு சுஜித் ஒளிப்பதிவு செய்யவுள்ளார். இந்த படத்தின் படப்பிடிப்பு சென்னையில் இன்று முதல் தொடங்கியுள்ளது என்பது குறிப்பிடத்தக்கது