தளபதி விஜய்யின் 'மெர்சல்' படத்திற்கு ஆயிரம் தடைகள் ஏற்பட்டாலும் அத்தனை தடைகளையும் தகர்த்து வரும் தீபாவளி அன்று படம் திரைக்கும் வரும் என்று படக்குழுவினர் நம்பிக்கையுடன் தெரிவித்துள்ளனர். 

இந்த நிலையில் 'மெர்சல்' திரைப்படத்தின் டீசர் சமீபத்தில் வெளியாகி யூடியூபில் உலக சாதனை செய்துள்ள நிலையில் இதேபோன்று இன்னொரு சாதனையை ஏற்படுத்த படக்குழுவினர் விரைவில் இந்த படத்தின் டிரைலரை ரிலீஸ் செய்ய வேண்டும் என்றும் விஜய் ரசிகர்கள் வேண்டுகோள் விடுத்து வருகின்றனர்.

ஆனால் 'மெர்சல்' திரைப்படம் ரிலீசாக இன்னும் ஒரு வாரம் மட்டுமே இருக்கும் நிலையில் இந்த படத்தின் டிரைலர் வெளிவர வாய்ப்பு இல்லை என்றும் ஆனால் அதே நேரத்தில் விஜய் ரசிகர்களின் ஏமாற்றத்தை போக்கும் வகையில் இந்த படத்தின் புரமோ வீடியோ மற்றும் அட்டகாசமாக போஸ்டர்கள் அவ்வப்போது வெளிவரும் என்றும் படக்குழுவினர்களிடம் இருந்து தகவல்கள் வெளிவந்துள்ளது. எனவே மெர்சல் படத்தின் திடீர் புரமோ வீடியோக்களை அவ்வப்போது இனி இணையதளத்தில் பார்க்கலாம்