యాలిటీ షో బిగ్‌బాస్ 3ను కింగ్ నాగార్జున విజ‌య‌వంతంగా పూర్తి చేశాడు. ఇప్పుడు ఆయ‌న త‌న ప్రాజెక్ట్స్‌పై ఫోకస్ పెట్టాడ‌ట‌. ప్ర‌స్తుతం సినీ వ‌ర్గాల్లో విన‌ప‌డుతున్న స‌మాచారం మేర‌కు నాగార్జున ఊపిరి చిత్రానికి ర‌చ‌నా శాఖ‌లో ప‌నిచేసిన రైట‌ర్ సాల్మ‌న్ చెప్పిన క‌థ‌కు ఇంప్రెస్ అయ్యాడ‌ట‌. సాల్మ‌న్ ద‌ర్శ‌క‌త్వంలోనే నాగ్ సినిమా చేయ‌బోతున్నాడ‌ని టాక్‌. ఈ సినిమాలో కాజ‌ల్ అగ‌ర్వాల్ హీరోయిన్‌గా న‌టిస్తుంద‌ని వార్త‌లు వినిపించాయి. కానీ.. లేటెస్ట్ స‌మాచారం మేర‌కు ఈ చిత్రంలో ఓ డెబ్యూ హీరోయిన్‌ను తీసుకోవాల‌ని నిర్మాత‌లు అనుకుంటున్నార‌ని వార్త‌లు విన‌ప‌డుతున్నాయి.

ఈ సినిమాలో నాగార్జున హీరో కాద‌ట‌. ప్ర‌ధాన పాత్ర‌లో న‌టిస్తాడ‌ట‌. క‌థంతా ఆయ‌న చుట్టూనే తిరుగుతుంద‌ట‌. మ్యాట్నీ ఎంట‌ర్‌టైన్‌మెంట్స్ బ్యాన‌ర్‌పై నిరంజ‌న్ రెడ్డి ఈ చిత్రాన్ని నిర్మిస్తాడ‌ట‌. త్వ‌ర‌లోనే ఈ సినిమా గురించి ప్ర‌క‌ట‌న రావ‌చ్చు. నాగార్జునకు ఆయ‌న గ‌త చిత్రాలు షాక్‌నిచ్చాయి. ఆయ‌న హీరోగా చేసిన ఆఫీస‌ర్‌, నానితో చేసిన మ‌ల్టీస్టార‌ర్ దేవ‌దాస్‌, రీసెంట్‌గా విడుద‌లైన మన్మ‌థుడు 2 బాక్సాఫీస్ వ‌ద్ద ఘోర ప‌రాజ‌యాన్ని చ‌విచూశాయి. దీంతో త‌దుప‌రి సినిమా విష‌యంలో నాగ్ కాస్త స‌మ‌యం తీసుకున్నాడు. రీసెంట్‌గా రియాలిటీ షో బిగ్‌బాస్‌ను పూర్తి చేశాడు.