మ్యూజిక‌ల్ సెన్సేష‌న్ త‌మ‌న్‌కు ప్ర‌స్తుతం నెంబ‌ర్ వ‌న్ మ్యూజిక్ డైరెక్ట‌ర్‌గా అగ్ర క‌థానాయ‌కులంద‌రితోనూ ప‌నిచేస్తున్నాడు. చాలా జాగ్ర‌త్త‌గా ఉండాల్సిన ఇలాంటి త‌రుణంలో త‌మ‌న్ చేసిన ఓ చిన్న త‌ప్పు.. మ‌రోసారి త‌మ‌న్‌పై విమ‌ర్శ‌ల వ‌ర్షానికి కార‌ణ‌మైంది.

ఇంత‌కీ అంత‌లా త‌మ‌న్ ఏం చేశాడు? అనే వివ‌రాల్లోకి వెళ్తే, త‌మ‌న్ సంగీతం అందిస్తోన్న చిత్రాల్లో ర‌వితేజ క్రాక్ సినిమా కూడా ఒక‌టి. రీసెంట్‌గా ఈసినిమా నుండి సెకండ్ సాంగ్‌ను చిత్ర‌యూనిట్ విడుద‌ల చేసింది. ఈ పాట‌లో ఓ బీట్‌ను లాటిన్ సినిమా నుండి త‌మ‌న్ కాపీ కొట్టిన‌ట్లు తెలిసింది. ఇక నెటిజ‌న్స్ ఊరుకుంటారా? త‌మ‌న్‌ను సోష‌ల్ మీడియా వేదిక‌గా ట్రోల్ చేయ‌డం మొదలు పెట్టారు.

సాంగ్ లాటిన్ అయితే క్రెడిట్ త‌మ‌న్‌దంటూ ఒక‌రంటే.. త‌ప్పించుకుందామ‌నుకున్నాడేమో కానీ వీలు కాలేదని మ‌రొక‌రు కామెంట్ చేశారు. ఇంకొక‌రు అయితే కింగ్ సినిమాలో నాగార్జున‌, బ్ర‌హ్మనందం కామెడీ బిట్‌ను క‌ట్ చేసి పోస్ట్ చేశారు.

ఈ సాంగ్‌కు వ‌న్ మిలియ‌న్ వ్యూస్ వ‌చ్చినందుకు సంతోషించాలో, లేక ఇలా అడ్డంగా దొరికిపోయినందుకు బాధ‌ప‌డాలో త‌మ‌న్‌కు అర్థం కావ‌డం లేదు. ఇక క్రాక్ సినిమా విషయానికి వ‌స్తే మాస్ మ‌హారాజా ర‌వితేజ హీరోగా న‌టించిన ఈ సినిమాలో శ్రుతి హాస‌న్ హీరోయిన్‌గా న‌టిస్తోంది. సంక్రాంతి సంద‌ర్భంగా సినిమా ప్రేక్ష‌కుల మందుకు రానుంది.