ஜல்லிக்கட்டு போராட்டம் மூலம் தமிழகம் முழுவதும் நல்ல பெயர் வாங்கிய ஜூலி, அதன் பின்னர் பிக்பாஸ் நிகழ்ச்சியில் கலந்து கொண்டார். முதலில் ஜூலிக்கு பார்வையாளர்களிடையே நல்ல வரவேற்பு இருந்தது. ஆனால் ஜூலியின் பொய், போலித்தனம் ஆகியவை பிக்பாஸ் நிகழ்ச்சியின் பங்கேற்பாளர்களுக்கு மட்டுமின்றி, பார்வையாளர்களுக்கும்க் வெறுப்பை தந்தது. குறிப்பாக ஓவியாவுக்கு ஜூலி செய்த துரோகத்தை யாராலும் மன்னிக்க முடியாததால் ஒரு கட்டத்தில் அனைவராலும் வெறுக்கப்படும் ஒரு நபராக ஜூலி மாறினார்

இந்த நிலையில் பிக்பாஸ் நிகழ்ச்சிக்கு பின்னர் தொலைக்காட்சி நிகழ்ச்சிகளிலும், திரைப்படங்களில் சிறுசிறு வேடங்களிலும் நடித்து வந்த ஜூலி தற்போது நீட் தேர்வின் காரணமாக உயிரிழந்த அரியலூர் அனிதா குறித்த திரைப்படத்தில் நடிக்கவுள்ளதாக நேற்று விளம்பரம் வெளிவந்துள்ளது.

இதனையறிந்த நெட்டிசன்கள் பொங்கி எழுந்துள்ளனர். உண்மையாக உயிரிழந்த அனிதா கேரக்டரில் பொய்யான ஜூலியா?, அனிதாவை இதைவிட கேவலமா அசிங்கப்படுத்த முடியாது என்றும், தாமரையால் சாகடிக்கப்பட்ட பெண்ணை தாமரையில் உட்கார வைப்பதா? என்றும் நெட்டிசன்கள் கருத்துக்களை பதிவு செய்து வருகின்றனர்.