மோடி மீது அதிருப்தி இருக்கலாம்.. அதுக்காக சந்திராயன் 3ஐ கிண்டல் செய்வதா? பிரபல நடிகருக்கு கண்டனம்..!
- IndiaGlitz, [Monday,August 21 2023]
கடந்த சில நாட்களுக்கு முன் இஸ்ரோ அனுப்பிய ’சந்திராயன் 3’ விண்கலம் நாளை மறுநாள் நிலவில் தரையிறங்க இருப்பது உறுதி செய்யப்பட்டுள்ள நிலையில் உலகமே இந்த நிகழ்வை காண ஆர்வத்துடன் உள்ளது.
இந்திய விஞ்ஞானிகளின் இந்த சாதனை இந்திய விண்வெளி துறையில் ஒரு மைல்கல்லாக பார்க்கப்படும் என்றும் கூறப்படுகிறது. நிலவுக்கு ரஷ்யா அனுப்பிய விண்கலம் தோல்வி அடைந்த நிலையில் இந்தியா அனுப்பிய விண்கலம் கிட்டத்தட்ட வெற்றி அடையும் நிலைக்கு வந்துவிட்டது என்பது குறிப்பிடத்தக்கது.
இந்த நிலையில் நாடே இந்திய விஞ்ஞானிகளுக்கு வாழ்த்துக்களை தெரிவித்து வரும் நிலையில் நடிகர் பிரகாஷ்ராஜ் தனது சமூக வலைதள பக்கத்தில் ’சந்திராயன் 3 விண்கலம் குறித்து கிண்டல் உடன் கூடிய ஒரு பதிவு செய்துள்ளார். இதனால் அதிர்ச்சி அடைந்த நெட்டிசன்கள் பிரகாஷ்ராஜுக்கு கண்டனம் தெரிவித்து வருகின்றனர்.இந்தியாவே பெருமை கொள்ளும் ஒரு
திட்டத்தை வைத்து இப்படி அரசியல் செய்யலாமா? என்று கமெண்ட்ஸ்கள் குவிந்த வண்ணம் உள்ளன. மோடி மீது பிரகாஷ்ராஜுக்கு அதிருப்தி இருக்கலாம், ஆனால் அதை சந்திராயன் 3 மீது தான் காட்ட வேண்டுமா என்றும் பலர் குறிப்பிட்டு வருகின்றனர்.