'கத்திச்சண்டை' படத்தில் இடம்பெறும் 'கபாலி' பாடல்
- IndiaGlitz, [Saturday,October 22 2016]
சூப்பர் ஸ்டார் ரஜினிகாந்த் நடிப்பில் சமீபத்தில் வெளிவந்த 'கபாலி' படத்தில் இடம்பெற்ற 'நெருப்புடா' பாடல் உலகம் முழுவதும் சூப்பர் ஹிட் ஆனது என்பது அனைவரும் அறிந்ததே.
இந்நிலையில் இந்த பாடலின் ஒருசில வரிகள் விஷால் நடித்து வரும் 'கத்திச்சண்டை' படத்தில் இடம்பெற்றுள்ளதாக செய்திகள் வெளிவந்துள்ளது.
இந்த படத்தில் மீண்டும் காமெடியனாக திரும்பியுள்ள வடிவேலு அறிமுகமாகும் முதல் காட்சியே சிறையில் இருந்து வெளியே வருவது போன்ற காட்சி என்றும் அந்த காட்சியின் பின்னணியில் 'நெருப்புடா' பாடல் இடம்பெறுவதாகவும் கூறப்படுகிறது. ரஜினியும் 'கபாலி' படத்தின் முதல் காட்சியில் சிறையில் இருந்துதான் வெளியே வருவார் என்பது குறிப்பிடத்தக்கது.
விஷால், தமன்னா, வடிவேலு, சூரி, ஜெகபதிபாபு, தருண் அரோரா உள்ளிட்ட பலர் நடித்துள்ள இந்த படத்தை சுராஜ் இயக்கியுள்ளார். ஹிப்ஹாப் தமிழா ஆதி இசையமைத்துள்ள இந்த படத்தை எஸ்.நந்தகோபால் மற்றும் விஷால் இணைந்து தயாரித்துள்ளனர்.