రొటీన్ కు భిన్నంగా చేసిన చిత్రమే 'నేను..శైలజ' - రామ్
- IndiaGlitz, [Tuesday,December 22 2015]
కృష్ణ‌చైత‌న్య స‌మ‌ర్ప‌ణ‌లో స్ర‌వంతి మూవీస్ బ్యాన‌ర్‌పై రూపొందుతోన్న చిత్రం నేను..శైలజ. రామ్, కీర్తి సురేష్‌లు జంట‌గా న‌టించిన ఈ చిత్రాన్ని కిషోర్ తిరుమ‌ల దర్శకత్వంలో స్ర‌వంతి ర‌వికిషోర్ నిర్మించారు. దేవిశ్రీప్ర‌సాద్ సంగీతం అందించిన ఈ సినిమా ఆడియో సీడీల‌ను ప్రముఖ ద‌ర్శ‌కుడు ఎ.క‌రుణాక‌ర‌ణ్ విడుద‌ల చేశారు.
నేను రొటీన్ సినిమాలు చేస్తున్నాన‌ని మాట‌లు విన‌ప‌డ్డాయి. అందుకే డిఫరెంట్ చేయాల‌ని ఈ మూవీలో యాక్ట్ చేశాను. కిషోర్ తిరుమ‌ల‌గారి డైలాగ్స్ విన‌గానే ఎగ్జ‌యిట్ అయ్యాను. మంచి టీంతో వ‌ర్క్ చేశాన‌ని హీరో రామ్ అన్నారు. ద‌ర్శ‌కుడుగా అవ‌కాశం ఇచ్చిన రామ్, స్ర‌వంతి ర‌వికిషోర్‌కు థాంక్స్‌. వారి న‌మ్మ‌కాన్ని నిల‌బెట్టాన‌ని అనుకుంటున్నాన‌ని ద‌ర్శ‌కుడు కిషోర్ తిరుమ‌ల అన్నారు. రామ్ ఎన‌ర్జీత పోటీప‌డి న‌టించ‌డం సులువుకాద‌ని, మంచి సినిమా చేసినందుకు ఆనందంగా ఉంద‌ని హీరోయిన్ కీర్తి సురేష్ అన్నారు. ఈ ఏడాదిని రామ్ త‌న స‌క్సెస్‌తో స్వాగ‌తిస్తాడ‌ని ల‌గ‌డ‌పాటిశ్రీధ‌ర్ అన్నారు.
ఈ కార్య‌క్ర‌మంలో స‌త్య‌రాజ్‌, రోహిణి, సీనియ‌ర్ న‌రేష్‌, బి.వి.ఎస్‌.ఎన్‌.ప్ర‌సాద్‌, ఎం.ఎల్‌.కుమార్ చౌద‌రి, ప్ర‌దీప్ రావ‌త్ స‌హా యూనిట్ స‌భ్య‌లు పాల్గొన్నారు.