நயன்தாரா நடித்த ’கோலமாவு கோகிலா’ திரைப்படம் கடந்த 2018ம் ஆண்டு வெளியாகி மிகப்பெரிய வெற்றி பெற்றது என்பது தெரிந்ததே. நெல்சன் இயக்கத்தில் அனிருத் இசையில் உருவான இந்த படம் வசூலிலும் சாதனை செய்தது என்பது குறிப்பிடத்தக்கது. 

இந்த நிலையில் தற்போது இயக்குனர் நெல்சன், சிவகார்த்திகேயன் நடித்து வரும் ’டாக்டர்’ என்ற படத்தை இயக்கி வருகிறார். இந்த படத்திற்கு அனிருத் இசையமைக்கிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் குறிப்பிடத்தக்கது. 

இந்த நிலையில் சமீபத்தில் நாளிதழ் ஒன்று கொடுத்த விருதை சிவகார்த்திகேயன் மற்றும் அனிருத் பெற்றுள்ளனர். இதற்கு வாழ்த்து தெரிவித்துள்ள இயக்குனர் நெல்சன், ”உங்க ரெண்டு பேரையும் நம்பி தான் என்னுடைய டாக்டர் படமே இருக்கிறது, பார்த்து செய்யுங்க” என்று கூறியிருக்கிறார். இந்த டுவீட் தற்போது வைரலாகி வருகிறது என்பது குறிப்பிடத்தக்கது.