வழக்கம் போல் ஒரு கலக்கல் புரமோ.. 4 நிமிட வீடியோவுடன் நெல்சன் - கவின் படத்தின் அறிவிப்பு..!
- IndiaGlitz, [Friday,May 03 2024]
பொதுவாக நெல்சன் படம் என்றாலே புரமோ வீடியோ மிகவும் வித்தியாசமாக இருக்கும் என்பதும் அனைவரும் ரசிக்கும் வகையில் இருக்கும் என்பது தெரிந்தது. குறிப்பாக ’ஜெயிலர்’ படத்தில் இடம்பெற்ற ’காவாலா’ பாடல் புரமோ இன்றும் ரசிக்கும் வகையில் இருக்கும் என்பது குறிப்பிடத்தக்கது.
அந்த வகையில் தற்போது நெல்சன் தயாரிப்பாளராகி உள்ள நிலையில் அவரது முதல் படத்தில் கவின் நடிக்க உள்ளதாக வெளியான செய்தியை ஏற்கனவே பார்த்தோம். இது குறித்த அதிகாரப்பூர்வ அறிவிப்பை நெல்சன் தனது சமூக வலைதளத்தில் வெளியிட்டுள்ள நிலையில் தனது பாணியில் ஒரு வழக்கமான புரமோ வீடியோவை வெளியிட்டுள்ளார்.
கவின், நெல்சன், ரெடின் கிங்ஸ்லி, மற்றும் இயக்குனர் சிவபாலன் ஆகியோர் உரையாடும் இந்த நான்கு நிமிட வீடியோவே கலக்கலாகவும் காமெடியாகவும் உள்ளது. இறுதியில் கவின் பிச்சைக்கார லுக்கில் இருக்கும் போஸ்டர் உடன் இந்த படத்தின் டைட்டில் ’பிளடி பெக்கர்’ என்று வைக்கப்பட்டுள்ளதாக அறிவிக்கப்பட்டுள்ளது.
இந்த வீடியோவின் இறுதியில் அந்த காஸ்ட்யூம் எல்லாம் பத்திரமா எடுத்து வையுங்கள் ஒருவேளை படம் முடிந்தவுடன் நெல்சனுக்கு தேவைப்படும் என்று ரெடின் கிங்ஸ்லி காமெடியுடன் சொன்னது போன்ற காட்சியுடன் வீடியோ முடிவுக்கு வருகிறது. பிச்சைக்காரன் லுக்கில் கவின் அசத்தலாக இருக்கும் நிலையில் இந்த படம் நிச்சயம் ஒரு பெரிய எதிர்பார்ப்பை ஏற்படுத்தும் என்று கூறப்படுகிறது.