விஜய் நடித்த 'பிகில்' திரைப்படம் இந்த ஆண்டின் மிகவும் எதிர்பார்த்த திரைப்படங்களில் ஒன்று என்பதால் வரும் தீபாவளி அன்று வெளியாக உள்ள இந்தப் படத்திற்கு மிகப்பெரிய அளவில் வரவேற்பு கிடைக்கும் என எதிர்பார்க்கப்படுகிறது. குறிப்பாக விஜய் ரசிகர்கள் இந்த படத்தை முதல் நாள் முதல் காட்சியை பார்க்க ஆயிரக்கணக்கில் தியேட்டரில் குவிந்து கொண்டாடுவார்கள் என்று எதிர்பார்க்கப்படுகிறது

இந்த நிலையில் நெல்லையில் உள்ள ஒரு பிரபல திரையரங்கில் 'பிகில்' திரைப்படம் திரையிட போவதை அறிவித்து இதனை உறுதி செய்யும் வகையில் 'வெறித்தனம்' என்ற பாடலை திரையில் திரையிட்டுள்ளது. இதுகுறித்து விஜய் ரசிகர் ஒருவர் தனது சமூக வலைதளப் பக்கத்தில் 'முதல்நாள் முதல் காட்சியில் ஸ்க்ரீனை பத்திரமாக பார்த்துக்கொள்ளுங்கள். அன்றைக்கு ஏதாவது நடந்தால் நாங்கள் பொறுப்பல்ல' என்று பதிவு செய்துள்ளார்

இதற்கு பதிலடி கொடுக்கும் வகையில் பதில் அளித்துள்ள திரையரங்க நிர்வாகம், 'விஜய் ரசிகர்கள் அனைவரும் 'பிகில்' படத்தைக் கொண்டாட வேண்டும் என்பதுதான் எங்களது ஆசை.

ஆனால் விளையாட்டுக்கு கூட இதுமாதிரி சொல்ல வேண்டாம். நீங்கள் பொருப்பு இல்லை என்றால், அதன் பிறகு நடக்கப் போகும் விளைவுகளுக்கும் நாங்கள் பொறுப்பில்லை' என்று கூறி செக்யூரிட்டிகளின் புகைப்படம் ஒன்றை வெளியிட்டு செல்ல மிரட்டல் விடுத்துள்ளது.