இயற்கை விவசாயி நெல் ஜெயராமன் காலமானார்
- IndiaGlitz, [Thursday,December 06 2018]
இயற்கை விவசாயி நெல் ஜெயராமன் உடல்நலக்குறைவால் சற்றுமுன் சென்னையில் காலமானார். அவருக்கு வயது 50.
பாரம்பரிய நெல்ரகங்களை மீட்டெடுத்து தமிழக விவசாயிகளுக்கு விழிப்புணர்வு ஏற்படுத்திய நெல் ஜெயராமன் கடந்த சில நாட்களாக உடல்நலமின்றி சென்னை தேனாம்பேட்டையில் உள்ள தனியார் மருத்துவமனையில் சிகிச்சை பெற்று வந்தார். இவரது சிகிச்சைக்கு நடிகர் சிவகார்த்திகேயன் உள்பட பலர் நிதியுதவி செய்தனர்.
இந்த நிலையில் சிகிச்சையின் பலனின்றி இன்று காலை 5:10 மணிக்கு நெல் ஜெயராமன் அவர்களின் உயிர் பிரிந்ததாக அவரது உறவினர்கள் உறுதி செய்துள்ளனர். நெல் ஜெயராமன் அவர்களின் மறைவு தமிழக விவசாயிகளுக்கு பேரிழப்பாகும்.