வரலட்சுமியின் அடுத்த பட ரிலீஸ் தேதி அறிவிப்பு
- IndiaGlitz, [Saturday,April 13 2019]
கடந்த ஆண்டு வரலட்சுமி நடித்த 'மிஸ்டர் சந்திரமெளலி, எச்சரிக்கை, சண்டக்கோழி 2, சர்கார் மற்றும் மாரி 2 ஆகிய ஐந்து படங்கள் வெளியானது. அவர் தற்போது சுமார் பத்துக்கும் மேற்பட்ட படங்களில் நடித்து வரும் நிலையில் அவற்றில் ஒன்றின் ரிலீஸ் தேதி சற்றுமுன் அதிகாரபூர்வமாக அறிவிக்கப்பட்டுள்ளது.
ஜெய், வரலட்சுமி முக்கிய வேடத்தில் நடித்த 'நீயா 2' திரைப்படம் வரும் மே 10ஆம் தேதி ரிலீஸ் ஆகும் என அறிவிக்கப்பட்டுள்ளது. இதனையடுத்து இந்த படத்தின் புரமோஷன் பணிகளும் தொடங்கிவிட்டது.
ஜெய் நாயகனாக நடித்துள்ள இந்த படத்தில் வரலட்சுமி 'நாகராணி' என்ற கேரக்டரில் நடித்துள்ளார். மேலும் இந்த படத்தில் ராய்லட்சுமி, கேதரின் தெரசா ஆகிய இரண்டு நாயகிகளும் முக்கிய வேடங்களில் நடித்துள்ளனர். ஷபீர் இசையில் ராஜவேல் மோகன் ஒளிப்பதிவில் கோபிகிருஷ்ணா படத்தொகுப்பில் உருவாகியுள்ள இந்த படத்தை ஜம்போ சினிமாஸ் நிறுவனம் தயாரித்துள்ளது