தந்தை இறந்தது தெரியாமல் நீட் தேர்வு எழுதி வரும் தமிழ் மாணவர்
- IndiaGlitz, [Sunday,May 06 2018]
இந்தியா முழுவதும் இன்று காலை முதல் நீட் தேர்வு நடைபெற்று வரும் நிலையில் இந்த தேர்வை கேரள மாநிலத்தில் உள்ள எர்ணாகுளத்தில் எழுதி வரும் தமிழ் மாணவர் ஒருவர் தனது தந்தை இறந்தது தெரியாமலேயே தேர்வை எழுதி வருகிறார் என்ற செய்தி அனைவரையும் அதிர்ச்சியில் ஆழ்த்தியுள்ளது.
நீட் தேர்வை எழுதும் தமிழக மாணவர்கள் ஆயிரக்கணக்கானோர்களுக்கு வெளிமாநிலத்தில் தேர்வு மையம் அமைக்கப்பட்டிருந்தது தெரிந்ததே. அந்த வகையில் திருத்துறையைபூண்டியை சேர்ந்த கிருஷ்ணசாமி என்பவர் தன் மகனை நீட் தேர்வு எழுந்த எர்ணாகுளத்திற்கு நேற்று அழைத்து சென்றார். பின்னர் இன்று மகனை நீட் தேர்வுக்கு அனுப்பி விட்டு தந்தை தங்கும் விடுதியில் இருந்தபோது திடீரென அவருக்கு மாரடைப்பு ஏற்பட்டதால் மரணம் அடைந்தார்.
மரணம் அடையும் முன் அந்த விடுதியின் மேலாளரிடம் கிருஷ்ணசாமி தனது மகன் நீட் தேர்வுக்காக அலைக்கழிக்கப்பட்டது குறித்து கவலை தெரிவித்ததாக கூறப்படுகிறது. தந்தை கிருஷ்ணசாமியின் மரணம் தெரியாமல் நீட் தேர்வை எழுதி வரும் கஸ்தூரி மகாலிங்கம் என்ற மாணவருக்கு தந்தை இறந்த செய்தி அவர் தேர்வு மையத்தில் இருந்து வெளியே வந்தவுடன் தெரிவிக்கப்படும் என தெரிகிறது.