சமீபத்தில் நடைபெற்று முடிந்த டோக்கியோ ஒலிம்பிக் போட்டியில் ஈட்டி எறிதல் பிரிவில் இந்தியாவைச் சேர்ந்த நீரஜ்சோப்ரா தங்கம் வென்றார் என்பது தெரிந்ததே. அவருக்கு பாராட்டுக்களும் பரிசுகளும் குவிந்து வருகிறது என்பது குறிப்பிடத்தக்கது.

இந்த நிலையில் விளையாட்டு பிரபலங்களின் வாழ்க்கை வரலாற்றை திரைப்படம் எடுப்பதில் முந்திக் கொள்ளும் பாலிவுட் திரையுலகம், ஏற்கனவே தோனி, சச்சின், மேரிகோம் உள்பட பல விளையாட்டு வீரர்களின் வாழ்க்கை வரலாறு திரைப்படங்களை தயாரித்து வெற்றி பெற்றுள்ளது.

இந்த நிலையில் தற்போது இந்தியாவின் தங்கமகன் நீரஜ் சோப்ராவின் வாழ்க்கை வரலாறு திரைப்படத்தையும் தயாரிப்பது குறித்த செய்திகள் வெளியாகியுள்ளது. பிரபல தயாரிப்பாளர் அருண்ரெய் தொடார் என்பவர் நீரஜ் சோப்ராவின் வாழ்க்கை வரலாறு திரைப்படத்தை தயாரிக்க இருப்பதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது. இந்த படம் உறுதி செய்யப்பட்டால் நீரஜ் சோப்ரா வேடத்தில் யார் நடிப்பார்கள் என்பதை பொறுத்திருந்து பார்ப்போம்.