நேசமணி டிரெண்டுக்கு சொந்தக்காரர் ஒரு தல ரசிகரா? புதிய தகவல்
- IndiaGlitz, [Thursday,May 30 2019]
துபாயில் சிவில் எஞ்சினியராக பணிபுரிந்து வரும் விக்னேஷ் பிரபாகர் என்பவர் நேற்று பதிவு செய்த நேசமணி குறித்த டுவீட் இரவு முழுவதும் டிரெண்ட் ஆகி இன்று காலை முதல் உலக டிரெண்டில் முதலிடத்தில் உள்ளது. இதுகுறித்து பேசாத நெட்டிசன்களே இல்லை எனலாம்.
இந்த நிலையில் விக்னேஷ் பிரபாகர் ஊடகம் ஒன்றுக்கு பேட்டி அளித்துள்ளார். தூத்துகுடி மாவட்டம் விளாத்திகுளம் தாலுகாவில் உள்ள ஒரு கிராமத்தை சேர்ந்த இவர் துபாயில் பணிபுரிந்து வருவதாகவும், வேலை நேரத்தின்போது டீ குடிக்க கிடைத்த பத்து நிமிடத்தில் இந்த நேசமணி குறித்த பதிவை பதிவு செய்ததாகவும், விளையாட்டாக போட்ட இந்த பதிவு உலக அளவில் டிரெண்ட் ஆகும் என்று தான் நினைத்து கூட பார்க்கவில்லை என்றும் குறிப்பிட்டுள்ளார்.
மேலும் விக்னேஷ் பிரபாகர் ஒரு தல ரசிகர் என்றும், தல படம் வெளியாகும் தினத்தில் டுவிட்டரில் அவருக்கு வாழ்த்து தெரிவிப்பதை வழக்கமாக கொண்டிருப்பதாகவும் அந்த பேட்டியில் கூறியுள்ளார். ஒரு சிறிய கிராமத்தில் இருந்து துபாய் சென்று பணிபுரியும் ஒரு தமிழ் இளைஞர் பதிவு செய்த ஒரு பதிவு இன்று உலக அளவில் டிரெண்ட் ஆகியுள்ளது அனைவரையும் ஆச்சரியப்படுத்தியுள்ளது