'மாஸ்டர்' திரைப்படத்தை ஓடிடியில் பார்த்தது இத்தனை மில்லியன் பேரா? ஆச்சரிய தகவல்!
- IndiaGlitz, [Wednesday,February 03 2021]
தளபதி விஜய் நடித்த ’மாஸ்டர்’ திரைப்படம் கடந்த 13ஆம் தேதி பொங்கல் விருந்தாக வெளியானது என்பதும் இந்த திரைப்படம் இரண்டே வாரங்களில் உலகம் முழுவதும் ரூபாய் 200 கோடி ரூபாய் வசூல் செய்து சாதனை செய்தது என்பதும் தெரிந்தது.
இந்த நிலையில் ’மாஸ்டர்’ திரைப்படம் திரையரங்குகளில் வெளியான 16 நாட்களில் ஓடிடியிலும் ரிலீஸ் ஆனது என்பதும் இந்த படம் திரையரங்குகளில் ஓடிக் கொண்டிருந்தாலும் ஓடிடியிலும் மிகப்பெரிய வரவேற்பை பெற்றது என்பதும் தெரிந்ததே.
இந்த நிலையில் ஓடிடியில் மட்டும் ’மாஸ்டர்’ படத்தை பார்த்த பார்வையாளர்களின் எண்ணிக்கை குறித்த தகவல் தற்போது கிடைத்துள்ளது. ’மாஸ்டர்’ திரைப்படம் ஒளிபரப்பான முதல் நாளில் 9.2 மில்லியன் பார்வையாளர்கள் உலகம் முழுவதும் அமேசான் பிரைம் வழியாக பார்த்து உள்ளதாக தகவல்கள் வெளிவந்துள்ளது.
அதேபோல் ’மாஸ்டர்’ திரைப்படத்தை மொத்தம் 28 மில்லியன் பார்வையாளர்கள் உலகம் முழுவதும் கடந்த வெள்ளி சனி ஞாயிறு ஆகிய மூன்று நாட்களில் மட்டும் பார்த்துள்ளனர் என்ற தகவல் வெளிவந்துள்ளது. திரையரங்குகளில் மிகப்பெரிய சாதனை செய்தது போலவே ஓடிடியிலும் இந்த படம் புதிய சாதனை செய்துள்ளது என்பது குறிப்பிடத்தக்கது.