குள்ளநரிகளை சிங்கம் துரத்தினால் அதற்கு பெயர் போரல்ல... வேட்டை: பாலைய்யாவின் அடுத்த பட டீசர்..
- IndiaGlitz, [Saturday,March 09 2024]
பிரபல தெலுங்கு நடிகர் என்.டி.ஆர் பாலகிருஷ்ணா நடிக்கும் அடுத்த திரைப்படத்தின் கிளிம்ப்ஸ் வீடியோ வெளியாகி உள்ள நிலையில் இந்த டீசரில் ’குள்ளநரிகளை சிங்கம் துரத்தினால், அதற்கு பெயர் போர் அல்ல, வேட்டை என்று கர்ஜிக்கும் வசனம் உட்பட பல மாஸ் காட்சிகள் உள்ளன.
என்டிஆர் பாலகிருஷ்ணா நடிப்பில் பாபி கொல்லி இயக்கத்தில் உருவாகி வரும் திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் கிளிம்ப்ஸ் வீடியோ சற்றுமுன் வெளியாகி இணையத்தில் வைரல் ஆகி வருகிறது.
இந்த வீடியோவில் காட்டில் தீ எரிந்து கொண்டிருக்கும் நிலையில் அதனிடையே வரும் என்டிஆர் பாலகிருஷ்ணா, கையில் கொண்டு வந்த பெட்டியில் இருந்து எடுத்த மதுவை அருந்துகிறார். அதன் பிறகு எதிரிகளை துவம்சம் செய்யும் அவர் ’போரை நீ அறிவிக்கிறாயா? குள்ள நரிகளை சிங்கம் துரத்தினால் அதற்கு பெயர் போர் அல்ல, வேட்டை என்று கர்ஜிக்கிறார்.
மேலும் கையில் உள்ள கோடாரியால் ஒருவரை பின்னாலும், காலை தூக்கி முன்னால் இன்னொருவரையும் தாக்கும் காட்சியுடன் இந்த கிளிம்ப்ஸ் வீடியோ முடிகிறது. வழக்கம் போல் மாஸ் காட்சிகள் அடங்கிய இந்த படத்தின் கிளிம்ப்ஸ் வீடியோ தற்போது இணையத்தில் வைரல் ஆகி வருகிறது. இந்த படத்திற்கு தமன் இசையமைத்து வருகிறார் என்பதும் இந்த படத்தின் படப்பிடிப்பு நிறைவடையும் நிலையில் உள்ளது என்பதும் குறிப்பிடத்தக்கது.