ஜோதிகாவை அடுத்து நயன்தாராவுக்கு கிடைக்கும் வாய்ப்பு
- IndiaGlitz, [Wednesday,March 28 2018]
சமீபத்தில் வித்யாபாலன் நடித்த சூப்பர் ஹிட் பாலிவுட் திரைப்படமான 'துமாரி சூலு' என்ற படத்தின் ரீமேக்கில் ஜோதிகா நடிக்கவுள்ளார் என்பதையும் இந்த படத்தை பிரபல இயக்குனர் ராதாமோகன் இயக்கவுள்ளார் என்பதையும் ஏற்கனவே பார்த்தோம். இந்த நிலையில் ஜோதிகாவை அடுத்து நயன்தாராவும் பாலிவுட் பட ரீமேக் ஒன்றில் நடிக்க வாய்ப்பு இருப்பதாக கூறப்படுகிறது
சமீபத்தில் வெளியான 'பரி' என்ற ஹாரர் இந்தி படம் மிகப்பெரிய வெற்றியை பெற்றது. ப்ரோசித் ராய் இயக்கத்தில் உருவான இந்த படத்தில் பாலிவுட்டின் முன்னணி நடிகை அனுஷ்காசர்மா நடித்திருந்தார். இந்த நிலையில் இந்த படத்தை தமிழில் ரீமேக் செய்ய பிரபல தயாரிப்பு நிறுவனம் ஒன்று முடிவு செய்துள்ளதாகவும் இதுகுறித்த அறிவிப்பு விரைவில் வெளியாகும் என்றும் கூறப்படுகிறது.
இந்த நிலையில் இந்த படத்தில் அனுஷ்கா சர்மா நடித்த கேரக்டரில் லேடி சூப்பர் ஸ்டார் நயன்தாராவை நடிக்க வைக்க முயற்சிகள் எடுக்கப்படும் என்றும் அந்த தயாரிப்பு நிறுவனம் தெரிவித்துள்ளது. நயன்தாரா ஏற்கனவே 'மாயா', டோரா' ஆகிய திகில் படங்களில் நடித்துள்ளார் என்பது குறிப்பிடத்தக்கது.