நயன்தாராவின் அடுத்த பட ரிலீஸ் தேதி
- IndiaGlitz, [Thursday,October 29 2015]
'தனி ஒருவன்', 'மாயா', 'நானும் ரெளடிதான்' ஆகிய மூன்று ஹாட்ரிக் வெற்றி படங்களை கொடுத்த லேடி சூப்பர் ஸ்டார் நயன்தாராவின் அடுத்த பட ரிலீஸ் குறித்த தகவல்கள் தற்போது வெளிவந்துள்ளது.
மலையாள சூப்பர் ஸ்டார் மம்முட்டியுடன் ஏற்கனவே நயன்தாரா 'பாஸ்கர் தி ராஸ்கல்' என்ற வெற்றி படத்தில் நடித்திருந்த நிலையில் மீண்டும் மம்முட்டியுடன் அவர் நடித்த 'புதிய நியமம்' என்ற மலையாள திரைப்படம் வரும் நவம்பர் 27ஆம் தேதி ரிலீஸ் ஆகவுள்ளதாக தகவல்கள் வெளிவந்துள்ளது.
மம்முட்டி வழக்கறிஞராக நடித்துள்ள இந்த படத்தில் நயன்தாரா, வாசுகி என்ற கனமான பாத்திரத்தில் நடித்துள்ளார். இந்த படத்தை ஏ.கே.சாஜன் இயக்கியுள்ளார். வினு தாமஸ் இசையமைத்துள்ள இந்த படத்திற்கு விவேக் ஹர்ஷன் படத்தொகுப்பு செய்துள்ளார். நவம்பர் 27ஆம் தேதி இந்த படம் தமிழகத்திலும் ரிலீஸாகவுள்ளது என்பது குறிப்பிடத்தக்கது.