இரட்டை குழந்தைகளை மடியில் வைத்து கட்டியணைத்த நயன்.. விக்னேஷ் சிவன் பகிர்ந்த க்யூட் புகைப்படங்கள்..!
- IndiaGlitz, [Tuesday,March 26 2024]
நடிகை நயன்தாரா தனது இரட்டை குழந்தைகளை ஒரே மடியில் வைத்து கட்டி பிடித்துக் கொண்ட புகைப்படத்தை விக்னேஷ் சிவன் தனது இன்ஸ்டாகிராம் பக்கத்தில் பகிர்ந்து உள்ள நிலையில் அந்த புகைப்படத்திற்கு ஏராளமான லைக்ஸ் குவிந்து வருகிறது.
இயக்குனர் விக்னேஷ் சிவன் கடந்த சில நாட்களாக மலேசியா மற்றும் சிங்கப்பூருக்கு சென்றிருந்தார் என்பதும் அங்கு அவர் ’லைப் இன்சூரன்ஸ் கார்ப்பரேஷன்’ என்ற படத்தின் படப்பிடிப்பில் இருந்தார் என்பதையும் ஏற்கனவே பார்த்தோம்.
இந்த நிலையில் சிங்கப்பூர், மலேஷியா ஷெட்யூலை முடித்துவிட்டு தற்போது சென்னை திரும்பி உள்ள விக்னேஷ் சிவன், தனது இரண்டு மகன்களை மடியில் வைத்து கொஞ்சும் புகைப்படத்தை பகிர்ந்து உள்ளார். அந்த பதிவின் கேப்ஷனாக, ‘சிங்கப்பூர் மற்றும் மலேசியா படப்பிடிப்பை முடித்துவிட்டு என்னுடைய உயிர் மற்றும் உலகத்தை பார்ப்பதற்காக வீட்டிற்கு திரும்பி உள்ளேன், மறக்க முடியாத படப்பிடிப்பு நினைவுகளுடன் என் குழந்தைகளின் நினைவும் சேர்ந்துள்ளது. இனி கொஞ்ச நாள் வீட்டில் அவர்களுடன் இருக்கப் போகிறேன்’ என்றும் தெரிவித்துள்ளார்.
இந்த பதிவில் விக்னேஷ் மடியில் குழந்தைகள் இருக்கும் புகைப்படம், நயன்தாராவுடன் குழந்தைகள் விளையாடும் புகைப்படம் மற்றும் நயன்தாரா மடியில் இரண்டு குழந்தைகளும் கட்டியணைத்து இருக்கும் புகைப்படம் ஆகியவை உள்ளன. இந்த க்யூட் புகைப்படங்களை பார்த்த ரசிகர்கள் வைரலாக்கி வருகின்றனர்.