நடிகை நயன்தாரா சன் டிவியில் ஒளிபரப்பாகும் சீரியலை ஒரு எபிசோடு கூட மிஸ் பண்ணாமல் பார்ப்பார் என்று கூறப்படுவது ஆச்சரியத்தை ஏற்படுத்தியுள்ளது.

திரைப்படங்கள் போலவே, தற்போது தொலைக்காட்சி சீரியல்களும் பெரிய பட்ஜெட்டில் உருவாக்கப்பட்டு வருகிறது என்பதும் மிக இயல்பானது. கதை, விறுவிறுப்பான திரைக்கதை, பிரபல, நட்சத்திரங்களின் நடிப்பு என, சீரியல்கள் தினந்தோறும் கிட்டத்தட்ட நள்ளிரவு வரை ஒளிபரப்பாகி இருக்கின்றன.

இந்த நிலையில், சில சீரியல்களுக்கு திரையுலக பிரபலங்களை ரசிகர்களாக இருக்கும் போது, நடிகை நயன்தாரா சன் டிவியில் ஒளிபரப்பாகி வரும் ’கயல்’ என்ற சீரியலை தொடர்ந்து பார்ப்பதாகவும், ஒரு எபிசோடு கூட அவர் மிஸ் பண்ண மாட்டார் என்றும் கூறப்படுகிறது. இந்த சீரியல் தான் கடந்த பல மாதங்களாக டிஆர்பியில் நம்பர் ஒன் இடத்தில் உள்ளது.

சஞ்சீவ் மற்றும் சைத்ரா ரெட்டி நடித்து வரும் ’கயல்’ சீரியல், சன் டிவியில் திங்கள் முதல் சனி வரை, இரவு ஏழு முப்பது மணிக்கு ஒளிபரப்பாகி வருகிறது என்பது குறிப்பிடத்தக்கது.

ஏற்கனவே, ’எதிர்நீச்சல்’ சீரியலை சூப்பர் ஸ்டார் ரஜினிகாந்த் தொடர்ந்து பார்ப்பார் என செய்திகள் வெளியான நிலையில், தற்போது ’கயல்’ சீரியலை லேடி சூப்பர் ஸ்டார் தொடர்ந்து பார்த்து வருவதாக கூறப்படுகிறது.