தங்கத்தின் கையை பிடித்து செல்லும் தங்கங்கள்.. நயனின் லேட்டஸ்ட் போட்டோஷூட்..!
- IndiaGlitz, [Saturday,August 24 2024]
லேடி சூப்பர் ஸ்டார் நயன்தாரா தனது கணவர் மற்றும் குழந்தைகளின் கையைப் பிடித்துக் கொண்டு நடந்து செல்லும் போட்டோஷூட் புகைப்படங்களை பதிவு செய்துள்ள நிலையில் அந்த புகைப்படத்திற்கு ’தங்கத்தின் கையை பிடித்து செல்லும் தங்கங்கள்’ என்பது போன்ற கமெண்ட்கள் பதிவாகி வருகின்றன.
தமிழ் திரையுலகின் முன்னணி நடிகைகளில் ஒருவரான நயன்தாரா கடந்த 20 ஆண்டுகளுக்கு மேலாக திரையுலகில் நடித்து வருகிறார் என்பதும் தற்போது கூட அவர் ’மூக்குத்தி அம்மன் 2’ ‘டாக்சிக்’ ’மகாராணி’ உள்ளிட்ட படங்களில் நடித்து வருகிறார் என்பதும் மேலும் 4 படங்களில் நடிக்க பேச்சுவார்த்தை நடத்தி வருவதாகவும் கூறப்படுகிறது.
இந்த நிலையில் இன்ஸ்டாகிராமில் 8 மில்லியனுக்கும் அதிகமான ஃபாலோயர்கள் வைத்துள்ள நயன்தாரா அவ்வப்போது தனது குடும்ப புகைப்படங்களை பதிவு செய்து வரும் நிலையில் சற்றுமுன் அவர் தனது கணவர் விக்னேஷ் சிவன் கையை பிடித்துக் கொண்டு நடந்து செல்லும் புகைப்படங்களை பதிவு செய்துள்ளார்.
இந்த போட்டோஷூட் புகைப்படங்களில் நயன்தாராவின் கையை பிடித்துக் கொண்டு அவரது இரட்டை குழந்தைகள் நடந்து செல்லும் புகைப்படமும் உள்ளன. இந்த புகைப்படம் பதிவு செய்து ஒரு சில மணி நேரங்களே ஆகியுள்ள நிலையில் 6 லட்சத்திற்கும் அதிகமாக லைக்ஸ் குவிந்துள்ளது என்பதும் ஆயிரக்கணக்கான கமெண்ட்கள் பதிவாகி வருகின்றன என்பதும் குறிப்பிடத்தக்கது.