న‌య‌న్ స్పెషల్
- IndiaGlitz, [Friday,November 24 2017]
ద‌క్షిణాదిలోని అన్ని భాష‌ల్లోనూ స‌క్సెస్‌ఫుల్ హీరోయిన్‌గా పేరు తెచ్చుకుంది కేర‌ళ‌కుట్టి న‌య‌న‌తార. ప్ర‌స్తుతం ఈ ముద్దుగుమ్మ త‌మిళంలో నెంబ‌ర్ వ‌న్ హీరోయిన్‌గా రాణించ‌డ‌మే కాకుండా.. కోలీవుడ్ లేడీ సూప‌ర్‌స్టార్‌గా పేరు తెచ్చుకుంది. మునుప‌టితో పోలిస్తే.. తెలుగులో న‌య‌న హ‌వా కాస్త త‌గ్గినా.. క్రేజ్ మాత్రం అలానే ఉంది. అందుకే.. మెగాస్టార్ చిరంజీవి, న‌ట‌సింహ బాల‌కృష్ణ కొత్త చిత్రాల్లో క‌థానాయిక‌గా న‌టించే అవకాశం ఆమెకే ద‌క్కింది.
కాగా, ఈ రెండు చిత్రాలు ఆమెకి ఎంతో స్పెషల్ కానున్నాయి. ఎందుకంటే.. ఈ రెండు సినిమాలు కూడా సంక్రాంతి సంద‌ర్భాల్లోనే సంద‌డి చేయ‌నుండ‌డమే అందుకు కార‌ణంగా చెప్పుకోవ‌చ్చు. బాల‌య్య‌కి జోడీగా న‌టిస్తున్న జై సింహా వ‌చ్చే ఏడాది సంక్రాంతి టైమ్‌లో విడుద‌ల కానుండ‌గా.. చిరంజీవితో న‌టించ‌నున్న సైరా న‌ర‌సింహా రెడ్డి 2019 సంక్రాంతికి ప్రేక్ష‌కుల ముందుకు వ‌చ్చే అవ‌కాశ‌ముంది.
అంటే.. రెండు వ‌రుస సంక్రాంతి సీజ‌న్స్‌లో న‌య‌న సంద‌డి చేయ‌నుంద‌న్న‌మాట. ల‌క్ష్మీ, అదుర్స్ చిత్రాలు కూడా సంక్రాంతి స‌మ‌యంలో వ‌చ్చి విజ‌యం సాధించిన వైనం.. జై సింహా, సైరా విష‌యాల్లోనూ న‌య‌న్ కి రిపీట్ అవుతుందేమో చూడాలి.