விக்னேஷ் சிவனுடன் நிச்சயதார்த்தம் முடிந்துவிட்டதா? வைரலாகும் நயன் வீடியோ!
- IndiaGlitz, [Tuesday,August 10 2021]
இயக்குநர் விக்னேஷ் சிவனுடன் நிச்சயதார்த்தம் முடிந்துவிட்டது என நயன்தாரா கூறிய வீடியோ தற்போது வைரல் ஆகி வருகிறது.
‘நானும் ரவுடிதான்’ என்ற திரைப்படத்தை இயக்கிய போது விக்னேஷ் சிவனுக்கும் நயன்தாராவுக்கும் இடையே காதல் ஏற்பட்டது என்பதும் கடந்த 5 ஆண்டுகளுக்கும் மேலாக இருவரும் காதலித்து வருகிறார்கள் என்பது குறிப்பிடத்தக்கது.
இந்த நிலையில் விக்னேஷ் சிவன் மற்றும் நயன்தாராவுக்கும் இடையே திருமண நிச்சயதார்த்தம் நடந்து விட்டது என்பதும் இருவரும் மோதிரம் மாற்றிக் கொண்டனர் என்பதை சிம்பாலிக்காக இன்ஸ்டாகிராமில் கூறினார்கள் என்பதும் தெரிந்ததே.
இந்த நிலையில் வரும் ஆகஸ்ட் 15ஆம் தேதி விஜய் டிவியில் நயன்தாராவின் சிறப்பு நிகழ்ச்சி ஒன்று ஒளிபரப்பாக உள்ளது. இந்த நிகழ்ச்சியில் டிடி கேட்கும் சுவராசியமான பல கேள்விகளுக்கு நயன்தாரா பதில் சொல்கிறார்.
அதில் ஒன்று நயன்தாரா கையில் அணிந்துள்ள மோதிரம் குறித்து டிடி கேட்டபோது எங்களுக்கு நிச்சயதார்த்தம் முடிந்துவிட்டது என்று நயன்தாரா தெரிவிக்கின்றார். அதேபோல் விக்னேஷ் சிவனிடம் தனக்கு பிடித்தது, பிடிக்காதது ஆகியவை குறித்தும் அவர் அந்த நிகழ்ச்சியில் கூறியுள்ளார். சுவராசியமாக இருக்கும் என்று எதிர்பார்க்கப்படும் இந்த நிகழ்ச்சியை பார்க்க ரசிகர்கள் அனைவரும் ஆவலுடன் காத்திருக்கிறார்கள் என்பது குறிப்பிடத்தக்கது.
?????? Lady SuperStar நயன்தாரா - வரும் ஞாயிறு காலை 10:30 மணிக்கு நம்ம விஜய் டிவில.. #LadySuperstarNayanthara pic.twitter.com/TmY15QeVZ9
— Vijay Television (@vijaytelevision) August 10, 2021