சமீபத்தில் வெளிவந்த 'அருவி' திரைப்படம் ஊடகங்கள், சமூக வலைத்தள பயனாளிகள் மற்றும் ரசிகர்களின் பேராதரவுடன் திரையரங்குகளில் வெற்றிகரமாக ஓடி வருகிறது. பெரும்பாலான ஊடகங்கள் இந்த படத்திற்கு 4 ஸ்டார்களுக்கும் மேல் கொடுத்து பாராட்டி வருகின்றன.

இந்த நிலையில் இந்த படத்தின் நாயகி கேரக்டருக்காக இயக்குனர் அருண்பிரபு முதலில் பெரிய நடிகைகளை அணுகியதாகவும், பல்வேறு காரணங்களுக்காக அவர்கள் மறுத்த நிலையில் பின்னர் புதுமுகம் அதிதிபாலனை அறிமுகம் செய்ததாகவும் செய்திகள் வெளிவந்துள்ளது.

அருண்பிரபு 'அருவி' கதையை நயன்தாரா, சமந்தா, ஸ்ருதிஹாசன் ஆகியோர்களிடம் கூறியதாகவும், இந்த கதையில் மூவருமே நடிக்க விரும்பினாலும், ஏற்கனவே ஒருசில படங்களில் கமிட் ஆகியிருந்ததால் இந்த படத்தில் நடிக்க முடியாத நிலை ஏற்பட்டதாகவும் கூறப்படுகிறது. மேலும் கடைசி பதினைந்து நிமிட காட்சிகளுக்காக உடல் எடையை குறைக்க எடுத்து கொள்ள வேண்டிய காலம் குறித்தும் மூவரும் யோசித்ததாக கூறப்படுகிறது. ஆனாலும் இந்த படத்தின் கதை மூவரையும் கவர்ந்ததால், அருவி படம் தயாராகி வந்தபோது மூவருமே படத்தை குறித்து அவ்வப்போது இயக்குனர்களிடம் கேட்டு தெரிந்து கொண்டதாகவும் செய்திகள் வெளிவந்துள்ளன.