லேடி சூப்பர் ஸ்டார் நயன்தாரா கோலிவுட் திரையுலகில் கிட்டத்தட்ட அனைத்து முக்கிய வேடங்களிலும் நடித்துவிட்டார். சாதாரண கிராமத்து பெண் முதல் சிபிஐ அதிகாரி, கலெக்டர் வரை நடித்துவிட்ட நயன்தாரா, நடிக்காத வேடங்கள் மிகவும் குறைவு எனலாம்.

அந்த வகையில் நயன்தாரா இதுவரை நடிக்காத கேரக்டரான பேய்கள் குறித்து ஆராய்ச்சி செய்யும் 'கோஸ்ட் இன்வெஸ்டிகேட்டர்' கேரக்டரில் நடிக்கவுள்ளாராம். லட்சுமி, மா ஆகிய குறும்படங்களை இயக்கிய இயக்குனர் சர்ஜுன் இயக்கத்தில் நயன்தாரா நடிக்கவுள்ள படத்தில் தான் அவருக்கு இந்த கேரக்டர் என்று கூறப்படுகிறது.

இந்த படத்திற்காக மிகப்பெரிய பேய் பங்களா செட் ஒன்று தயாராகி வருவதாகவும் இந்த படத்தின் படப்பிடிப்பு மிக விரைவில் தொடங்கவிருப்பதாகவும் கூறப்படுகிறது. இந்த படம் நிச்சயம் நயன்தாரா ரசிகர்களுக்கு ஒரு நல்ல விருந்தாக இருக்கும் என்று எதிர்பார்க்கப்படுகிறது.