லேடி சூப்பர் ஸ்டார் நயன்தாரா நடித்த 'ஐரா' திரைப்படம் வரும் 28ஆம் தேதி வெளியாகவுள்ள நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது

இந்த நிலையில் தமிழ் வார இதழ் ஒன்றுக்கு பேட்டியளித்த இந்த படத்தின் இயக்குனர் சர்ஜூன், 'நயன்தாரா இந்த படத்தில் நடித்துள்ள இரண்டு கேரக்டர்களில் ஒன்று தைரியமான பத்திரிகையாளர் கேரக்டர் என்று தெரிவித்துள்ளார். அதேபோல் இன்னொரு கேரக்டரில் அப்பாவி இளம்பெண்ணாக நயன்தாரா நடித்துள்ளதாகவும் அவர் குறிப்பிட்டுள்ளார்.

கடந்த சில ஆண்டுகளில் நயன்தாரா முக்கிய கேரக்டர்களில் நடித்து வருவது தெரிந்ததே. குறிப்பாக 'அறம்' படத்தில் கலெக்டர் வேடம், விஸ்வாசம் படத்தில் தொழிலதிபர் வேடம், 'இமைக்கா நொடிகள்' படத்தில் சிபிஐ அதிகாரி வேடம் ஆகியவை குறிப்பிடத்தக்க கேரக்டர்களாக இருந்தது. அந்த வகையில் பத்திரிகையாளர் வேடத்த்லும் நயன்தாரா நடிப்பில் அசத்தியிருப்பார் என்பதை சொல்லவே தேவையில்லை.