அடுத்தடுத்து திகில் பாதையில் செல்லும் நயன்தாரா
- IndiaGlitz, [Tuesday,November 22 2016]
நயன்தாரா நடித்த முதல் திகில் படமான 'மாயா' படம் மிகப்பெரிய வரவேற்பை பெற்ற நிலையில் தற்போது அவர் 'டோரா' என்ற திகில் படத்தில் நடித்து வருகிறார். மேலும் சக்ரிடோலட்டி இயக்கத்தில் 'கொலையுதிர்க்காலம்' என்ற திகில் படத்திலும் நடிக்கவுள்ளார்.
இந்நிலையில் மேலும் ஒரு திகில் படத்தில் அவர் நடிக்க அதிக வாய்ப்புள்ளதாக செய்திகள் வெளிவந்துள்ளது. 'யாமிருக்க பயமே', 'கவலை வேண்டாம்' பட இயக்குனர் டிகே, ஒரு திகில் கதையை தயார் செய்துள்ளதாகவும் இந்த கதை நயன்தாராவை கவர்ந்ததால் இந்த படத்தில் அவர் நடிக்க வாய்ப்பு இருப்பதாகவும் கூறப்படுகிறது.
நாயகிக்கு முக்கியத்துவம் உள்ள இந்த படத்தை டிகே அல்லது அவரது உதவியாளர்களில் ஒருவர் இயக்கவுள்ளதாகவும், இந்த படத்தில் நடிக்க நயன்தாரா விரைவில் ஒப்பந்தம் ஆவார் என்றும் எதிர்பார்க்கப்படுகிறது.