லேடி சூப்பர் ஸ்டார் நயன்தாரா நடிப்பில் சமீபத்தில் வெளிவந்த 'கோலமாவு கோகிலா' மற்றும் 'இமைக்கா நொடிகள்' ஆகிய இரண்டு படங்களும் அடுத்தடுத்து வெற்றி பெற்ற நிலையில் தற்போது அவர் அஜித்தின் 'விஸ்வாசம்' உள்பட 7 படங்களில் நடித்து வருகிறார்.

அஜித்தின் 'விஸ்வாசம்' திரைப்படம் வரும் ஜனவரியில் பொங்கல் அன்று வெளியாகும் என்று உறுதி செய்யப்பட்டுள்ள நிலையில் அதே ஜனவரியில் நயன்தாரா நடித்த இன்னொரு படமான 'கொலையுதிர்க்காலம்' திரைப்படமும் வெளியாகும் என அறிவிக்கப்பட்டுள்ளது.

மேலும் அவர் நடித்து வரும் 'ஐரா' திரைப்படமும் ஜனவரி இறுதியில் அல்லது பிப்ரவரியில் வெளியாகும் என்பதால் அடுத்த வருட தொடக்கமே நயன்தாரா ரசிகர்களுக்கு அடுத்தடுத்து விருந்து காத்திருக்கின்றது என்பது குறிப்பிடத்தக்கது.

மேலும் நயன்தாரா நடிப்பில் உருவாகி வரும் சிவகார்த்திகேயன் படம், மற்றும் சிரஞ்சிவியுடன் அவர் நடித்து வரும் 'சைரா நரசிம்மரெட்டி' ஆகிய படங்களும் அடுத்த ஆண்டு வெளியாகவுள்ளது என்பது குறிப்பிடத்தக்கது.