இன்று நடந்த நயன்தாராவின் அடுத்த படத்தின் பூஜை
- IndiaGlitz, [Saturday,July 14 2018]
லேடி சூப்பர் ஸ்டார் நயன்தாரா நடித்து முடித்த 'கோலமாவு கோகிலா' திரைப்படம் வரும் ஆகஸ்ட் 10ஆம் தேதி வெளியாகவுள்ளது. அதனையடுத்து அவர் நடித்து முடித்துள்ள இன்னொரு திரைப்படமான 'இமைக்கா நொடிகள்' திரைப்படமும் விரைவில் வெளியாகவுள்ளது. இதுபோக அவர் தற்போது அஜித்துடன் 'விஸ்வாசம்', சிரஞ்சீவியுடன் 'நரசிம்மரெட்டி' மற்றும் 'கொலையுதிர்க்காலம், குறும்பட இயக்குனர் சர்ஜூன் இயக்கும் படம் ஆகியவற்றில் நடித்து வருகிறார்.
இந்த நிலையில் நயன்தாரா நடிக்கவுள்ள அடுத்த படத்தின் பூஜை இன்று நடைபெற்றது. பிரபல மலையாள நடிகர் நிவின்பால் ஹீரோவாக நடிக்கும் 'லவ் ஆக்சன் டிராமா' என்ற படத்தில் நயன்தாரா முக்கிய வேடத்தில் நடிக்கவுள்ளார். தயன்ஸ்ரீனிவாசன் இயக்கும் இந்த படத்தை அஜூவர்கீஸ் தயாரிக்கின்றார். கொச்சியில் இன்று நடந்த இந்த படத்தின் பூஜையை அடுத்து விரைவில் படப்பிடிப்பு தொடங்கவுள்ளது.
கடந்த 2016ஆம் ஆண்டு மம்முட்டியுடன் 'புதிய நியமம்' என்ற படத்தில் நடித்த நயன்தாரா, அதன் பின்னர் இரண்டு வருடங்களுக்கு பின் மீண்டும் தாய்மொழியான மலையாளத்தில் நடிக்கும் படம் இதுவே என்பது குறிப்பிடத்தக்கது