முடிவுக்கு வருகிறது நயன்தாராவின் அடுத்த படம்.. ரிலீஸ் எப்போது?
- IndiaGlitz, [Tuesday,April 16 2024]
லேடி சூப்பர் ஸ்டார் நயன்தாரா கடந்த ஆண்டு ’ஜவான்’ ’இறைவன்’ ’அன்னபூரணி’ ஆகிய மூன்று படங்களில் நடித்த நிலையில் தற்போது அவர் ’தி டெஸ்ட்’ மற்றும் ’மண்ணாங்கட்டி சின்ஸ் 1960’ ஆகிய படங்களில் நடித்து வருகிறார். ஒரு மலையாள படம் உள்பட இன்னும் இரண்டு படங்களில் நடிக்க அவரிடம் பேச்சுவார்த்தை நடைபெற்று வருவதாகவும் கூறப்படுகிறது.
இந்த நிலையில் ’மண்ணாங்கட்டி சின்ஸ் 1960’ படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் தற்போது இந்த படத்தின் படப்பிடிப்பு இறுதி கட்டத்தில் உள்ளதாக கூறப்படுகிறது. இன்னும் 15 முதல் 20 நாட்கள் மட்டுமே படப்பிடிப்பு இருப்பதாகவும் அதன் பிறகு இந்த படத்தின் தொழில்நுட்ப பணிகள் ஆரம்பமாகும் என்று கூறப்படுகிறது.
இந்த நிலையில் இந்த படத்தை இந்த ஆண்டுக்குள் ரிலீஸ் செய்ய படக்குழுவினர் திட்டமிட்டுள்ளதாக தெரிகிறது. எனவே இந்த ஆண்டு வெளியாகும் நயன்தாராவின் முதல் படமாக ’மண்ணாங்கட்டி சின்ஸ் 1960’ இருக்கும் என்று கூறப்படுகிறது.
நயன்தாரா, யோகி பாபு, தேவதர்ஷினி, கௌரி கிஷான், உள்பட பலர் நடித்து வரும் இந்த படத்தை டியூட் விக்கி என்பவர் இயக்கி வருகிறார் என்பதும் சீன் ரோல்டான் இசையமைத்து வருகிறார் என்பதும் குறிப்பிடத்தக்கது.