நயன்தாரா பட இயக்குனருக்கு திருமணம்.. யூடியூப் பிரபலம் தான் மணமகள்..!
- IndiaGlitz, [Saturday,August 24 2024]
நயன்தாரா படத்தை இயக்கி வரும் இயக்குனருக்கு திருமண நிச்சயதார்த்தம் ஆகி உள்ள நிலையில் யூடியூப் பிரபலம் தான் மணமகள் என்று அறிவிக்கப்பட்டுள்ளது.
லேடி சூப்பர் ஸ்டார் நயன்தாரா நடித்த வரும் ’மண்ணாங்கட்டி சின்ஸ் 1960’ என்ற படத்தை இயக்கி வருபவர் விக்கி. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் விக்கி மற்றும் யூடியூப் பிரபலம் நந்தினி ஆகிய இருவருக்கும் திருமணம் நிச்சயதார்த்தம் நடந்துள்ளது.
இது குறித்த புகைப்படங்களை இருவருமே தங்களது சமூக வலைதளத்தில் வெளியிட்டுள்ள நிலையில் அந்த புகைப்படங்கள் வைரல் ஆகி வருகின்றன. மேலும் ரசிகர்கள் இந்த ஜோடிக்கு வாழ்த்துக்களையும் தெரிவித்து வருகின்றனர்.
பிரபல யூடியூப் சேனல் பிளாக் ஷீப் சேனலில் ’இவள்’ என்ற டைட்டிலில் வரும் நந்தினியின் வீடியோக்கள் பிரபலம் என்பதும் இவருக்கு ஏகப்பட்ட ரசிகர்கள் உள்ளனர் என்பது குறிப்பிடத்தக்கது. அது மட்டும் இன்றி இவர் சமீபத்தில் வெளியான ’டியர்’ என்ற திரைப்படத்தில் நடித்துள்ளார்.
இந்த நிலையில் விக்கி மற்றும் நந்தினி கடந்த சில ஆண்டுகளாக காதலித்து வந்த நிலையில் தற்போது திருமண நிச்சயதார்த்தம் நடந்து முடிந்துள்ளது. விரைவில் திருமண தேதி அறிவிக்கப்படும் என்றும் கூறப்படுகிறது.