உலகம் அளவில் ஹிட்டான பட இயக்குனரின் அடுத்த படத்தில் நயன்தாரா!
- IndiaGlitz, [Saturday,December 19 2020]
லேடி சூப்பர்ஸ்டார் நயன்தாரா தற்போது சூப்பர் ஸ்டார் ரஜினிகாந்த் நடித்து வரும் ’அண்ணாத்த’, விக்னேஷ் சிவன் இயக்கத்தில் உருவாகிவரும் ’காத்துவாக்குல ரெண்டு காதல்’ மற்றும் விக்னேஷ் சிவன் தயாரிப்பில் உருவாகிவரும் ’நெற்றிக்கண்’ ஆகிய தமிழ் படங்களில் நடித்து வருகிறார். மேலும் அவர் மலையாளத்தில் உருவாகி வரும் ’நிழல்’ என்ற படத்திலும் நடித்து வருகிறார் என்பது குறிப்பிடத்தக்கது
இந்த நிலையில் தற்போது மேலும் ஒரு மலையாள படத்தில் நடிக்க நயன்தாரா ஒப்பந்தமாகி உள்ள தகவல் வெளிவந்துள்ளது. கடந்த 2015 ஆம் ஆண்டு வெளியாகிய ’பிரேமம்’ என்ற என்ற மலையாளத் திரைப்படம் இந்தியாவில் மட்டுமன்றி உலகம் முழுவதும் சூப்பர் ஹிட் ஆகியது என்பதும் இந்த படம் பல மொழிகளில் ரீமேக் செய்யப்பட்டது என்பதும் குறிப்பிடத்தக்கது. மேலும் இந்த படத்தால்தான் சாய்பல்லவி, அனுபமா பரமேஸ்வரன், மடோனா செபஸ்டியன் ஆகியோர் புகழ் பெற்றனர் என்பது குறிப்பிடதக்கது
இந்த நிலையில் ’பிரேமம்’ படத்தை இயக்கிய அல்போன்ஸ் புத்ரன் இயக்கும் அடுத்த படம் ’பாட்டு’ என்றும், இந்த படத்தில் பகத் பாசில் நாயகனாக நடிக்க இருப்பதாக வெளிவந்த செய்தியை ஏற்கனவே பார்த்தோம். இந்த படத்தில் தற்போது நாயகியாக நடிக்க நயன்தாரா ஒப்பந்தம் ஆகியுள்ளார். இந்த படத்தின் மற்ற நடிகர் நடிகைகள் குறித்த விவரங்கள் விரைவில் வெளியாகும் என்றும் இந்த படத்தின் படப்பிடிப்பு விரைவில் தொடங்க இருப்பதாகவும் தகவல் தெரிவிக்கப்பட்டுள்ளது