லேடி சூப்பர் ஸ்டார் நயன்தாரா நடித்த ’மூக்குத்தி அம்மன்’ மற்றும் ’நெற்றிக்கண்’ ஆகிய படங்கள் ஓடிடியில் வெளியான நிலையில் அவரது அடுத்த படமும் ஓடிடியில் வெளியாக அதிக வாய்ப்பு இருப்பதாக கூறப்படுகிறது

நயன்தாரா நடிப்பில் உருவாகி வரும் படங்களில் ஒன்று O2. இந்த படத்தை ஜிகே வெங்கடேஷ் என்பவர் இயக்கி வருகிறார் என்பதும் இந்த படத்தை ட்ரீம் வாரியர் பிக்சர்ஸ் நிறுவனம் தயாரித்து வருகிறது என்பது குறிப்பிடத்தக்கது

இந்த படத்தின் படப்பிடிப்பு கிட்டத்தட்ட முடிவடைந்துள்ள நிலையில் இந்த படத்தை ஹாட்ஸ்டார் ஓடிடியில் விற்பனை செய்ய பேச்சுவார்த்தை நடைபெற்று வருவதாக கூறப்படுகிறது. இந்த பேச்சுவார்த்தையில் உடன்பாடு ஏற்பட்டால் விரைவில் ஹாட்ஸ்டார் ஓடிடியில் O2 திரைப்படம் வெளியாகும் தேதி அறிவிக்கப்படும் என்று கூறப்படுகிறது

ஏற்கனவே ஹாட்ஸ்டார் ஓடிடியில் நயன்தாரா நடித்த ’மூக்குத்தி அம்மன்’ மற்றும் ’நெற்றிக்கண்’ ஆகிய படங்கள் வெளியாகி நல்ல வரவேற்பை பெற்ற நிலையில் அவருடைய அடுத்த படமும் ஹாட்ஸ்டாரில் வெளிவருமா? என்பதை பொறுத்திருந்து பார்ப்போம். ஆனால் அதே நேரத்தில் நயன்தாராவின் ’காத்துவாக்குல ரெண்டு காதல்’ திரைப்படம் திரையரங்கில் தான் வெளியாகும் என்பது குறிப்பிடத்தக்கது.