லேடி சூப்பர் ஸ்டார் நயன்தாரா தற்போது சூப்பர் ஸ்டார் ரஜினியின் 'தர்பார்', தளபதி விஜய்யின் 'பிகில்', மெகாஸ்டார் சிரஞ்சீவியின் 'சயிர நரசிம்மரெட்டி' உள்பட ஒருசில திரைப்படங்களில் நடித்து வருகிறார்.

இந்த நிலையில் அவர் நடித்து வரும் மலையாள திரைப்படமான 'லவ் ஆக்சன் டிராமா' படத்தின் படப்பிடிப்பு சமீபத்தில் முடிவடைந்து அதன் போஸ்ட் புரடொக்சன்ஸ் பணிகள் விறுவிறுப்பாக நடைபெற்று வருகிறது. இந்த படம் விரைவில் திரைக்கு வரவுள்ள நிலையில் தற்போது இந்த படத்தின் ஃபர்ஸ்ட்லுக் போஸ்டர் வெளியாகியுள்ளது.

நிவின்பாலியுடன் நயன்தாரா நடித்த இந்த படத்தை தயான் ஸ்ரீனிவாசன் இயக்கியுள்ளார். ஷான் ரஹ்மான் இசையில் ஜாமோன் ஜான் மற்றும் வர்கீஸ் ராஜ் ஒளிப்பதிவில் விவேக் ஹர்ஷன் படத்தொகுப்பில் இந்த படம் உருவாகியுள்ளது. இந்த படம் வரும் ஓணம் திருவிழாவின்போது திரைக்கு வரவுள்ளதாக அறிவிக்கப்பட்டுள்ளது