லேடி சூப்பர் ஸ்டார் நயன்தாரா முதல்முறையாக இரண்டு வித்தியாசமான வேடங்களில் நடித்த 'ஐரா' திரைப்படம் வரும் 28ஆம் தேதி வெளியாகவுள்ளது. இந்த படத்தின் டீசர், டிரைலர் மிகப்பெரிய ஹிட்டாகியுள்ள நிலையில் இந்த படத்திற்கு நல்ல புரமோஷனும் செய்யப்பட்டுள்ளதால் ஓப்பனிங் வசூல் சாதனை படைக்கும் என எதிர்பார்க்கப்படுகிறது.

இந்த நிலையில் நயன்தாரா நடித்து விரைவில் வெளியாகவுள்ள 'கொலையுதிர்க்காலம்' என்ற திரைப்படத்தின் டிரைலர் இன்று வெளியாகவுள்ளதாக அறிவிக்கப்பட்டுள்ளது. இன்று 'கொலையுதிர்க்காலம்' டிரைலர், மார்ச் 28ஆம் தேதி 'ஐரா' படம் ரிலீஸ் என ஐந்து நாட்களில் நயன்தாராவின் இரண்டு ரிலீஸ் அவரது ரசிகர்களை உற்சாகமாக்கியுள்ளது.

மேலும் சிவகார்த்திகேயனுடன் நயன்தாரா நடித்த 'மிஸ்டர் லோக்கல்' திரைப்படம் வரும் மே 1ஆம் தேதி வெளியாகவுள்ளது. அதனையடுத்து 'சயிர நரசிம்ம ரெட்டி', 'தளபதி 63' ஆகிய படங்கள் வெளியாகவுள்ளதால் இந்த ஆண்டு நயன்தாராவுக்கு திரையுலகில் ஒரு பொற்காலமாக இருக்கும் என எதிர்பார்க்கப்படுகிறது