நயன்தாராவின் 'ஜிந்தாகோ' ரிலீஸ் தேதி அறிவிப்பு
- IndiaGlitz, [Wednesday,March 13 2019]
லேடி சூப்பர் ஸ்டார் நயன்தாரா நடித்து முடித்துள்ள அடுத்த படமான 'ஐரா' திரைப்படம் வரும் 28ஆம் தேதி வெளியாகவுள்ள நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது
இந்த நிலையில் புரமோஷன் பணிகளில் அடுத்தகட்டமாக வரும் வெள்ளியன்று அதாவது மார்ச் 15ஆம் தேதி இந்த படத்தில் இடம்பெற்ற பாடல்களில் ஒன்றான 'ஜிந்தாகோ' என்ற வீடியோ புரமோ பாடல் வெளியாகவுள்ளது. கே.எஸ்.சுந்தரமூர்த்தி இசையில் உருவாகிய இந்த பாடல் ரசிகர்கள் மத்தியில் பெரும் வரவேற்பை பெறும் என எதிர்பார்க்கப்படுகிறது. ஏற்கனவே இந்த பாடலின் லிரிக் வீடியோ கடந்த 1ஆம் தேதி வெளியானது என்பது குறிப்பிடத்தக்கது
நயன்தாரா, கலையரசன், யோகிபாபு, ஜெயப்பிரகாஷ், லீலாவதி உள்பட பலர் நடித்துள்ள இந்த படத்தை சர்ஜூன் இயக்கியுள்ளார். சுதர்சன் ஸ்ரீனிவாசன் ஒளிப்பதிவில் கார்த்திக் ஜோகேஷ் படத்தொகுப்பில் உருவாகியுள்ள இந்த படம் இந்த ஆண்டின் இரண்டாவது வெற்றிப்படமாக நயன்தாராவுக்கு அமையும் என எதிர்பார்க்கப்படுகிறது