லேடி சூப்பர்ஸ்டார் நடித்து வரும் திரைப்படங்களில் ஒன்று ‘கனெக்ட்’ என்பதும் இந்த படத்தின் படப்பிடிப்பு கடந்த சில வாரங்களாக விறுவிறுப்பாக நடைபெற்றது என்பதை ஏற்கனவே பார்த்தோம்.

நயன்தாராவுடன் பிரபல பாலிவுட் நடிகர் அனுபம்கெர், சத்யராஜ் நடித்த இந்தப் படத்தை ரெளடி பிக்சர்ஸ் நிறுவனம் தயாரித்து வருகிறது என்பதும் இந்த படத்தை நயன்தாரா நடித்த சூப்பர் ஹிட் வெற்றி படமான ’மாயா’ படத்தை இயக்கிய அஸ்வின் சரவணன் இயக்கியுள்ளார் என்பது தெரிந்தது.

இந்த நிலையில் நயன்தாராவின் பிறந்தநாளை முன்னிட்டு சற்று முன்னர் இந்த படத்தின் டீசர் வெளியாகி உள்ள நிலையில் இந்த டீசர் வைரலாகி வருகிறது. ஒரு நிமிடத்திற்கு மேல் உள்ள இந்த டீசரில் அமானுஷ்ய சக்தி உள்ள காட்சிகள் இருப்பது த்ரில்லை ஏற்படுத்தியுள்ளது.

’மாயா’ படம் போலவே இந்த படமும் செம த்ரில் கதை அம்சம் கொண்டது என்பது இந்த டீசரில் இருந்து உறுதி செய்யப்பட்டுள்ளது. மேலும் இந்த படம் டிசம்பர் 22ஆம் தேதி கிறிஸ்துமஸ் விருந்தாக திரையரங்குகளில் வெளியாக உள்ளதாக அறிவிக்கப்பட்டுள்ளது என்பது குறிப்பிடத்தக்கது.

மணிகண்டன் கிருஷ்ணமாச்சாரி ஒளிப்பதிவில் ரிசார்ட் கேவின் படத்தொகுப்பில் பிரித்வி சந்திரசேகர் இசையில் உருவாகியுள்ள இந்த படம் நயன்தாராவின் இன்னொரு வெற்றி படமாக இருக்கும் என்று எதிர்பார்க்கப்படுகிறது.