லேடி சூப்பர் ஸ்டார் நயன்தாராவின் 'கோலமாவு கோகிலா' திரைப்படம் கடந்த 17ஆம் தேதி வெளியாகி திரையரங்குகளில் வெற்றி நடை போட்டு வருகிறது கடந்த வெள்ளியன்று மூன்று புதிய திரைப்படங்கள் வெளியானபோதிலும் 'கோலமாவு கோகிலா'வின் வசூலே சென்னையில் ஆதிக்கம் செலுத்தியது.

கடந்த வாரயிறுதி நாட்களில் சென்னையில் இந்த படம் 19 திரையரங்குகளில் 209 காட்சிகள் திரையிடப்பட்டு ரூ.1,03,87,562 வசூல் செய்துள்ளது. மேலும் திரையரங்குகளில் இரண்டாவது வாரத்திலும் 90% பார்வையாளர்கள் இருந்தனர் என்பது குறிப்பிடத்தக்கது.

மேலும் இந்த படம் ரிலீஸ் ஆன ஆகஸ்ட் 17 முதல் நேற்று வரை சென்னையில் மட்டும் ரூ.3,88,86,796 வசூல் செய்துள்ளது. இன்னும் ஒருசில நாட்களில் இந்த படத்தின் வசூல் ரூ.4 கோடியை தொட்டுவிடும் என்று எதிர்பார்க்கப்படுகிறது. மாஸ் நடிகர்களின் படங்களுக்கு இணையாக நயன்தாராவின் 'கோகோ படத்தில் இருந்துள்ளதால் அவரது அடுத்த படமான 'இமைக்கா நொடிகள்' படத்திற்கு பெரும் எதிர்பார்ப்பு ஏற்பட்டுள்ளது.