தேசிய விருது பெற்ற படங்களை இயக்கிய இயக்குனர் சேரன் கடந்த 2000ஆம் ஆண்டுகளில் தரமான பல படங்களை இயக்கி வந்தார். அவருடைய இயக்கத்தில் வெளிவந்த பாரதி கண்ணம்மா, பொற்காலம், வெற்றிக்கொடு கட்டு போன்ற படங்கள் சமுதாய அவலங்களை ஆணித்தரமாக எடுத்துரைத்தது. அதேபோல் சேரன் எடுத்த தரமான படங்களில் ஒன்று 'ஆட்டோகிராப்'

திருமணத்திற்கு தயாராகும் ஒரு இளைஞன் தன்னுடைய முன்னாள் காதலிகளை சந்தித்து தனது திருமண அழைப்பிதழை கொடுக்க செல்லும்போது ஏற்படும் அனுபவங்களை நெஞ்சை நெகிழும் வண்ணம் இயக்கியிருப்பார்.

ரசிகர்களின் பெரும் ஆதரவை பெற்ற இந்த திரைப்படத்தின் இரண்டாம் பாகத்தை இயக்க சேரன் முடிவு செய்திருப்பதாகவும், இந்த படத்தின் முக்கிய கேரக்டரில் லேடி சூப்பர் ஸ்டார் நயன்தாரா நடிக்கவுள்ளதாகவும் செய்திகள் வெளிவந்துள்ளது.

ஆட்டோகிராப் போன்ற படத்தில் நயன்தாரா போன்ற திறமையான நடிகை நடித்தால் அந்த படத்திற்கு பெரும் வரவேற்பு கிடைக்கும் என்ற எதிர்பார்ப்பு உள்ளது.