லேடி சூப்பர் ஸ்டார் நயன்தாரா நடிப்பில் உருவாகியுள்ள பெரும் எதிர்பார்ப்பை ஏற்படுத்தியுள்ள திரைப்படம் 'அறம்'. இந்த படம் வரும் 10ஆம் தேதி உலகம் முழுவதும் வெளியாகவுள்ள நிலையில் இந்த படத்தின் டிரைலர் ரிலீஸ் தேதி மற்றும் நேரம் குறித்த தகவல் தற்போது வெளிவந்துள்ளது.

'அறம்' படத்தின் டிரைலர் இன்று மாலை 5.30 மணிக்கு இணையதளம் மற்றும் சமூக வலைத்தளங்களில் வெளியாகிறது. நயன்தாரா மாவட்ட ஆட்சி தலைவராக நடித்துள்ள இந்த படத்தின் புரமோஷன்கள் விறுவிறுப்பாக நடைபெற்று வருகிறது. கடந்த சில வருடங்களாகவே நாயகிக்கு முக்கியத்துவம் உள்ள கேரக்டர்களில் மட்டுமே நடித்து வரும் நயன்தாராவின் இந்த படம் முன்னணி நடிகர்களின் படங்களுக்கு இணையாக புரமோஷன் செய்யப்பட்டு வருகிறது என்பது குறிப்பிடத்தக்கது.

மீஞ்சூர் கோபி இயக்கியுள்ள இந்த படத்தில் விக்னேஷ், ரமேஷ், சுனுலட்சமி உள்பட பலர் நடித்துள்ளனர். ஜிப்ரான் இசையில் ஏற்கனவே இந்த படத்தின் பாடல்கள் ஹிட்டாகியுள்ளது என்பது தெரிந்ததே. இந்த படத்திற்கு ஓம்பிரகாஷ் ஒளிப்பதிவும், கோபிகிருஷ்ணா படத்தொகுப்பும் செய்துள்ளனர்.