விறுவிறுப்பான படப்பிடிப்பில் 'நயன்தாரா 75' படம்.. உடன் நடிப்பது யார் யார் தெரியுமா?
- IndiaGlitz, [Saturday,July 01 2023]
லேடி சூப்பர் ஸ்டார் நயன்தாராவின் 75வது படம் குறித்த அறிவிப்பு கடந்த ஏப்ரல் மாதம் வெளியானது என்பதும் இந்த படத்தின் பூஜையில் சூப்பர் ஸ்டார் ரஜினிகாந்த் கலந்து கொண்டு படக்குழுவினர்களுக்கு வாழ்த்து தெரிவித்தார் என்பதையும் ஏற்கனவே பார்த்தோம். இந்த நிலையில் தற்போது இந்த படத்தின் படப்பிடிப்பு விறுவிறுப்பாக நடைபெற்று வருவதாக தகவல் வெளியாகி உள்ளது.
தற்போது நயன்தாரா மற்றும் ஜெய், ரெடின் கிங்ஸ்லி ஆகியோர்களின் காட்சிகள் சென்னையில் படப்பிடிப்பு நடைபெற்று வருவதாகவும் இந்த படத்தில் நயன்தாராவின் சோலோ ஹீரோயின் கேரக்டர் மிகவும் வலுவாக இருக்கும் என்றும் அவருக்கு இந்த படம் அவரது திரை உலக வாழ்வில் குறிப்பிடத்தக்க ஒரு படமாக இருக்கும் என்றும் கூறப்படுகிறது. இந்த படத்தில் சத்யராஜ் ஒரு முக்கிய கேரக்டரில் நடித்து வருகிறார் என்பது தெரிந்ததே.
பிரமாண்ட இயக்குனர் ஷங்கரின் உதவியாளர்களில் ஒருவர் நீல் கிருஷ்ணா இயக்கத்தில் உருவாகி வரும் இந்த படத்திற்கு தமன் இசையமைத்து வருகிறார். ஜி ஸ்டுடியோ மற்றும் டிரைடண்ட் ஆர்ட்ஸ் நிறுவனங்கள் இணைந்து தயாரிக்கும் இந்த படத்திற்கு சத்யன் சூரியன் ஒளிப்பதிவும் பிரவீன் அந்தோணி படத்தொகுப்பு பணியையும் செய்து வருகின்றனர் என்பது குறிப்பிடத்தக்கது.