லேடி சூப்பர் ஸ்டார் நயன்தாரா நடித்த 'கோலமாவு கோகிலா' திரைப்படம் வரும் வெள்ளியன்று உலகம் முழுவதும் வெளியாகவுள்ள நிலையில் இந்த படத்தின் புரமோஷன் தற்போது விறுவிறுப்பாக நடைபெற்று வருகிறது.

அஜித் போன்றே தனது படங்களின் புரமோஷன்களை தவிர்த்து வரும் நயன்தாரா, இந்த படத்தின் தொலைக்காட்சி புரமோஷன் ஒன்றில் கலந்து கொண்டார். அப்போது நயன்தாரா குறித்த எழுந்து வரும் காதல் கிசுகிசு குறித்த கேள்வி ஒன்றுக்கு பதிலளித்தபோது, 'இந்த உலகம் உங்களை பார்க்கிற விதம் ஒவ்வொரு நாளும் மாறிக்கொண்டே இருக்கும். சிலருக்கு இன்று உங்களை பிடிக்கும். நாளையே அவர்களுக்கு பிடிக்காமலும் போகலாம். மற்றவர்கள் என்ன நினைக்கிறார்கள் என்று சிந்தித்துக்கொண்டு இருந்தால் நாம் ஒரு வாழ்க்கையை வாழ முடியாது” என்று கூறினார்

அதேபோல் சிவகார்த்திகேயன் மற்றும் விக்னேஷ் சிவன் ஆகிய இருவருக்கும் 10க்கு எவ்வளவு மார்க் என்ற கேள்விக்கு பதிலளித்த நயன்தாரா, சிவகார்த்திகேயனுக்கு 10க்கு 9 என்றும், விக்னேஷ் சிவனுக்கு 10க்கு 9.9 என்றும் மார்க் அளித்தார். இந்த புரமோஷன் நிகழ்ச்சியில் காதல் தோல்விக்காக ஒரு பாடலை அனிருத் கம்போஸ் செய்ய அதற்கு சிவகார்த்திகேயன் பாடல் வரிகளை கூறினார்.