நடிகை நயன்தாரா தனது வீட்டின் மொட்டை மாடியில் புதிய அலுவலகத்தை கட்டி உள்ள நிலையில் தனது கனவு நனவாகியுள்ளதாக புகைப்படங்களை பகிர்ந்து உள்ள நிலையில் அந்த புகைப்படங்கள் இணையத்தில் வைரல் ஆகி வருகின்றன.

தமிழ் திரையுலகில் லேடி சூப்பர் ஸ்டார் நயன்தாரா ஒரு திரைப்படத்திற்கு 10 கோடிக்கு அதிகமாக வாங்கி வரும் நிலையில் அவர் சென்னை உள்பட பல இடங்களில் ரியல் எஸ்டேட்டில் ஏராளமாக முதலீடு செய்து உள்ளார் என்று கூறப்படுகிறது.

இந்த நிலையில் சமீபத்தில் சென்னை போயஸ் கார்டனில் ஒரு வீட்டை அவர் வாங்கியதாக கூறப்படும் நிலையில் அந்த வீட்டின் மொட்டை மாடியில் தற்போது அவர் ஒரு அலுவலகத்தை கட்டி முடித்ததாக தெரிவித்துள்ளார்.

இந்த அலுவலகத்தை கட்டி முடித்ததால் தனது கனவு நினைவாகியதாகவும் புதிய ஆரம்பம் தனக்கு ஏற்பட்டு இருப்பதாகவும் அவர் கூறியுள்ளார். மேலும் இந்த அலுவலகம் குறித்த புகைப்படங்களையும் அவர் பகிர்ந்து உள்ள நிலையில் அந்த புகைப்படங்களை பார்த்து ரசிகர்கள் வாழ்த்து தெரிவித்து வருகின்றனர்.

இந்த நிலையில் நடிகை நயன்தாரா தற்போது மாதவனுடன் ’தி டெஸ்ட்’ என்ற திரைப்படத்தில் நடித்துக் கொண்டிருக்கும் நிலையில் ’மண்ணாங்கட்டி சின்ஸ் 1960’ என்ற படத்தில் நடித்து வருகிறார். இதுபோக சசிகுமாருடன் ஒரு படம் உள்பட இன்னும் இரண்டு படங்களில் நடிக்க அவர் பேச்சுவார்த்தை நடத்தி வருகிறார் என்பது குறிப்பிடத்தக்கது.