சொந்த மாநில மக்களுக்கு நயன்தாரா செய்த மிகப்பெரிய உதவி
- IndiaGlitz, [Friday,August 17 2018]
கோலிவுட் திரையுலகில் லேடி சூப்பர் ஸ்டாராக இருந்தாலும் நடிகை நயன்தாராவின் சொந்த மாநிலம் கேரளா என்பது தெரிந்ததே. இந்த நிலையில் கேரளாவில் கடந்த சில நாட்களாக ஏற்பட்டுள்ள வெள்ளம் மற்றும் நிலச்சரிவால் ஏற்பட்டுள்ள பாதிப்புக்கு கோலிவுட் திரையுலகினர் தாராளமாக நிதியுதவி செய்து வருகின்றனர்.
இந்த நிலையில் தனது சொந்த மாநில மக்களின் துயரை துடைக்க நடிகை நயன்தாரா, கேரள முதல்வரின் வெள்ள நிவாரண நிதியாக ரூ.10 லட்சத்தை வழங்கியுள்ளார். இதற்கு நன்றி கூறி கேரள அரசு அனுப்பியுள்ள ரசீது தற்போது சமூக வலைத்தளங்களில் வைரலாகி வருகிறது
நயன்தாரா நடித்த 'கோலமாவு கோகிலா' திரைப்படம் இன்று உலகம் முழுவதும் வெளியானபோதிலும் வெள்ளம் காரணமாக கேரளாவில் ரிலீஸ் ஆகவில்லை. இந்த படம் அங்கு அடுத்த வாரம் வெளியாகவுள்ளது என்பது குறிப்பிடத்தக்கது.