லேடி சூப்பர் ஸ்டார் நயன்தாரா, அஜித் போலவே தான் நடிக்கும் எந்த படத்தின் புரமோஷனுக்கும் செல்ல மாட்டார் என்பதும், சூப்பர் ஸ்டார் ரஜினிகாந்த், தெலுங்கு சூப்பர் ஸ்டார் சிரஞ்சீவி நடித்த படங்களில் நடித்த போது கூட அவர் புரமோஷனுக்கு செல்லவில்லை என்பதும் குறிப்பிடத்தக்கது

இந்த நிலையில் ஷாருக்கானின் ’ஜவான்’ திரைப்படத்தில் நாயகியாக நயன்தாரா நடித்து வரும் நிலையில் இந்த படத்தின் படப்பிடிப்பு முடிவடைந்து தற்போது புரமோஷன் பணிகள் தொடங்க உள்ளன. மே முதல் வாரத்தில் இந்த படத்தின் டீசரை வெளியிட்டு அதன் பிறகு புரமோஷனையும் தொடங்க படக்குழுவினர் திட்டமிட்டுள்ள நிலையில் திடீரென நேற்று நயன்தாரா மும்பை சென்றுள்ளார். மும்பையில் நடைபெறும் ’ஜவான்’ படத்தின் புரோமோஷனில் அவர் கலந்து கொள்ள இருப்பதாக கூறப்படுகிறது.

’ஜவான்’ படத்தின் புரமோஷனில் ஷாருக்கான், தீபிகா படுகோன், அட்லி, உள்பட முக்கிய பிரபலங்கள் கலந்து கொள்ள இருப்பதால் நயன்தாராவும் ஒரு சில புரமோஷனில் கலந்து கொள்வார் என்று கூறப்படுகிறது. மேலும் மும்பைக்கு நேற்று நயன்தாரா சென்ற வீடியோவும் இணையதளங்களில் வைரல் ஆகி வருகிறது என்பது குறிப்பிடத்தக்கது.