லேடி சூப்பர் ஸ்டார் நயன்தாராவின் பிறந்த நாள் நேற்று வெகுசிறப்பாக கொண்டாடப்பட்ட நிலையில் அவருக்கு ஒட்டுமொத்த கோலிவுட் திரையுலகமே வாழ்த்து கூறியது என்பதை ஏற்கனவே பார்த்தோம். இந்த நிலையில் அவர் நடித்து வரும் படங்களில் ஒன்றாகிய 'இமைக்கா நொடிகள்' படக்குழுவினர்களுடன் அவர் நேற்று தனது பிறந்த நாளை கொண்டாடினார்.

'இமைக்கா நொடிகள்' படத்தின் கிளைமாக்ஸ் காட்சிகளின் படப்பிடிப்பு நடந்து வரும் நிலையில் கிளைமாக்ஸ் காட்சி படப்பிடிப்புக்கு இடையே கிடைத்த ஓய்வு நேரத்தில் படக்குழுவினர்களுடன் நயன்தாரா, கேக் வெட்டி தனது பிறந்த நாளை கொண்டாடினார். நயன்தாராவுக்கு இந்த படத்தின் ஹீரோ அதர்வா உள்பட படக்குழுவினர் அனைவரும் வாழ்த்து தெரிவித்தனர்

நயன்தாரா, அதர்வா, ராஷிகண்ணா, அனுராக் காஷ்யப், ரமேஷ் திலக் உள்ளிட்ட பலர் நடித்து வரும் இந்த படத்தை 'டிமாண்டி காலனி' இயக்குனர் அஜய்ஞானமுத்து இயக்கி வருகிறார். ஆர்.டி.ராஜசேகர் ஒளிப்பதிவும், புவன்ஸ்ரீனிவாசன் படத்தொகுப்பு பணியும் செய்து வரும் இந்த படத்தை கேமியோ பிலிம்ஸ்' ஜெயக்குமார் தயாரித்து வருகிறார்.